იცოდით, რომ ახალშობილს საკუთარი წონის აწევაც შეუძლია, რასაც მოზრდილი ადამიანების უმეტესობა ვერ ახერხებს? ეს საყვარელი პატარები დაბადების პირველივე დღიდან გვაოცებენ…
1. ის ცნობს მუსიკას, რომელსაც ორსულობისას უსმენდით
დაახლოებით ოთხ თვემდე მათ შესანიშნავად ახსოვთ ის მუსიკა, რომელიც მუცლადყოფნის დროს ესმოდათ. სწორედ ამიტომ იძინებენ ძალიან მშვიდად და გადასარევად იმ სიმღერებზე, რომელიც თქვენ ორსულობისას მოგწონდათ.
2. ის პატარა მძლეოსანია
დაკვირვებიხართ, როგორ ძლიერად გეჭიდებათ პატარა ხელით? ეს თანდაყოლილი რეფლექსია. ახალშობილს შეუძლია საკუთარი წონის აწევა – თუმცა ამ ექსპერიმენტის სახლში ჩტარებას არ გირჩევდით.
3. ახალშობილი ცრემლის გარეშე ტირის
მიუხედავად იმისა, რომ ძალიან მონდომებულად ტირის, შეამჩნევთ, რომ ცრემლი არ აქვს. ახალშობილის საცრემლე ჯირკვლები ჯერ ბოლომდე არაა განვითარებული და მხოლოდ თვალის ტენიანობის შესანარჩუნებლადაა საკმარისი. პირველი პატარა ცრემლი რამოდენიმე კვირის შემდეგ გამოჩნდება.
4. თვალებმა შეიძლება ფერი შეიცვალოს
ყველა ახალშობილი ცისფერი თვალებით იბადება. დაახლოებით ექვსი თვის ასაკისთვის პიგმენტაციის ჩამოყალიბება მთავრდება და ერთ დროს ცისფერი თვალები ნებისმიერ ფერად შეიძლება ჩამოყალიბდეს.
5.მისი სურნელი ყველაზე სასიამოვნო სურნელია
ყოველ შემთხვევაში, დედისთვის ასეა. დედას ბავშვის ბუნებრივი სურნელი არასოდეს აერევა სხვაში.
6 ჩვილები ზოგჯერ ჭარბი თმით იბადებიან
თხელი ბეწვები ანუ ლანუგო, შეიმჩნევა ზურგზე, მხრებზე, ყურებსა და სახეზე. უფრო მეტად შესამჩნევი ლანუგო ახასიათებთ იმ ბავშვებს, რომლებიც ნაადრევად იბადებიან. ნუ შეგეშინდებათ, ლანუგო რამოდენიმე კვირის განმავლობაში გაქრება.
7. ჯადოსნური რიცხვი – 20-38
ეს ის მანძილია, რომელზეც ბავშვი კარგად არჩევს საგნებს. თუ გინდათ რომ პატარამ კარგად შეგათვალიეროთ, უნდა მიუახლოვდეთ.
8. მას ძალიან, ძალიან ბევრი რეფლექსები აქვს
დაახლოებით 70. ყველაზე ცნობილი რეფლექსები თქვენც იცით – სწორედ მათი დახმარებით ეძებს ძუძუს, წოვს და თქვენს თითს ძლიერად ეჭიდება. თუ ახალშობილს ვერტიკალურად დაიჭერთ და ტერფებით ბრტყელ ზედაპირზე “დააყენებთ”, მისი ფეხები სიარულის მსგავს მოძრაობას გააკეთებენ. მას სიარული რასაკვირველია, არ შეუძლია, თუმცა ის ამ ცოდნით იბადება.
9. ახალშობილები ძილში ზოგჯერ კრთებიან
ახალშობილებს ერთი საათიდან მხოლოდ 3 წუთის განმავლობაში ღვიძავთ (საშუალოდ) და ძილში ზოგჯერ კრთებიან. ეს თანდაყოლილი რეფლექსია – ბუნებრივი რეაქცია მაღალ ხმაზე, მოულოდნელ მკვეთრ მოძრაობებზე და ვარდნის შეგრძნებაზე. ეს დამცავი მექანიზმია და დაახლოებით ექვს თვემდე სრულიად ქრება.
10. ახალშობილთან ლაპარაკი მნიშვნელოვანია…
ენის შესწავლის და ალაპარაკებისთვის. დადგენილია, რომ ახალშობილი დედის ხმას პირველივე წამებიდან ცნობს და დედის ხმა ბავშვის თავის ტვინში მეტყველებასთან დაკავშირებულ უბნებს ააქტიურებს.
